Бошқа мавзуларРоссиянинг Украинага бостириб кириши эҳтимоли энергия нархининг ошишига ва талабнинг пасайишига олиб келади, бу эса ўз навбатида бир қанча мамлакатларда иқтисодиётни заифлаштиради. Бундай прогнозни таҳлилчи Морган Стенли айтди, деб ёзади Bloomberg сайти.
Морган Стенлининг АҚШнинг акциялари буйича бош стратеги Майкл Уилсон ҳарбий ҳаракатларни гапираётиб, уни қутбдаги “бўрон” деб таърифлади. Унинг тушунтиришича, бу вазиятда энергетика компаниялари акцияларининг тушиш хавфи юқори бўлишини тушунтирди.
Ўтган ҳафта охирида Украина ва Россия ўртасидаги вазият кескин ёмонлашди. “Politico” нашрининг АҚШ расмийларига таяниб ёзишича, Россия 16 февраль куни бостириб кириши мумкин.
Кейинроқ АҚШ президентининг миллий хавфсизлик бўйича ёрдамчиси Жейк Салливан бу ахборотни рад этиб, бироқ Россия исталган вақтда бостириб кириши мумкинлигини айтди.
Икки давлат ўртасида кучайиб бораётган сиёсий зиддият бозорларга таъсир қила бошлади. 14-февралдаги аукционда Европада газ нархи 13 фоизга ошди. Ўша вақтда Brent маркали нефтининг апрель фючеряси 0,9 фоизга ошиб, баррели 96,02 долларни ташкил қилди.
Эслатиб ўтамиз, Украина президенти Владимир Зеленский 14-февраль куни халққа видеомурожаат йўллаб, 16-февраль миллий байрам – Украина бирлиги куни бўлишини маълум қилганди.
Зеленский ўз мурожаатида шундай деди: “Биз ҳеч қачон осонлик билан таслим бўлмаганмиз ва бўлмаймиз ҳам… Ҳа, ҳозир сизга қоронғудек туюлиши мумкин. Аммо эртага тинч осмонимизда қуёш яна порлайди. Украинани севинг! Биз сабрлимиз. Биз кучлимиз. Биз биргамиз. Буюк давлатнинг буюк халқи”, – деган.
