“Кўрмаганини кўрсатамиз”: Путин можарога ташқаридан ҳеч ким аралашмаслигини сўради

Бугун Донбассда ҳарбий операция ўтказишга буйруқ берган Россия президенти Владимир Путин можарога бегоналар аралашмаслигини талаб қилди.

Аввалроқ Россия Украина шарқида мустақил давлат сифатида тан олинмаган Донецк ва Луганск республикаларининг мустақиллигини “эълон қилган” эди. Қўшма Штатлар ва Европа Иттифоқи Россияга қарши янги санкциялар жорий қилганини маълум қилди.

“Бу ҳолатга сиртдан аралашганларгаРоссиянинг берадиган  жавобнинг оқибатлари жуда жиддий бўлади. Биз тарихда кўрмаган нарсаларни кўрсатамиз. Биз ҳар қандай вазиятга тайёрмиз. Барча керакли қарорлар қабул қилинди”, — деди Владимир Путин бугунги мурожаатида.