“50 рус босқинчиси ўлдирилди, 7 рус самолёти уриб туширилди, 4 танк йўқ қилинди”

Украина, Россия ҳужумларидан 40 нафар аскари ҳалок бўлганини билдирди.

Украина президенти маслаҳатчиси эрталабки ҳужумларда 40 аскар ҳалок бўлган, ўнлаб аскар яраланганини айтди.

Украина Ички ишлар вазирлиги баёнотида айтилишича, ҳужумларда 8 киши ҳалок бўлган, 9 киши яраланган.

Украина Мудофаа вазирлиги баёнотида “50 нафар рус босқинчиси ўлдирилган, 7 нафар рус самолёти уриб туширилган ва тўрт танк йўқ қилинган” дейилади.

Бошқа томондан, Россиянинг нишонларидан бири бўлган пойтахт Киевда пешин вақтида янги портлаш овози эшитилди.

Маҳаллий вақт билан соат 04:50 дан кейин Киевда, шунингдек, Харьков, Краматорск, Мариуполь, Николаев ва Одессада қатор портлашлар содир бўлди.