Молдова ва Грузия Европа Иттифоқига аъзо бўлиш учун ариза топширди

Молдова ва Грузия 3-март куни Европа Иттифоқига кириш учун ариза топширган. Баёнотларни Молдова президенти Мая Санду ва Грузия бош вазири Ираклий Гарабишвили имзолади.

Грузия ҳукумати 2024-йилда Европа Иттифоқига қўшилиш учун ариза имзолашни режалаштирган. Бироқ ҳукмрон партия вакиллари “дунёдаги вазият ўзгариб бораётгани” туфайли шошилинч қарор қабул қилинганини айтишди.

Россия армиясига қарши курашаётган Украина ҳам 28-феврал куни Брюсселда Европа Иттифоқига кириш учун ариза топширган. 1-март куни Европарламент Украина аризасини кўриб чиқди ва уни Европа Комиссиясига номзод давлат сифатида тавсия этиш бўйича резолюция қабул қилди.

Европа Иттифоқига қўшилиш жараёни узоқ йиллар давом этади ва қатъий мезонларни талаб қилади. Бунда иқтисодий барқарорлик, коррупция даражаси ва инсон ҳуқуқларига риоя этилиши ҳисобга олинади. Аъзо бўлиш учун барча 27 аъзо давлатнинг овози керак бўлади.

Россия ҳужуми туфайли Украинанинг ташкилотга қўшилиши махсус тартиб билан кўриб чиқилиши айтилмоқда. Собиқ совет республикаларининг иккаласи ҳам шунинг сабабли тез орада ариза ёзишган. Грузиядаги Абхазия ва Жанубий Осетия, Молдованинг Приднестровье Россиянинг ёрдами билан мустақиллигини эълон қилиб юборган. Улар бошқа давлат томонидан тан олинмаган.

Бўлишинг:

Муҳаррир танлови

Биз россия билан яна 300 йил бирга бўлишга тайёрмиз

Биз Россия билан 200 йилдан бери биргамиз ва яна 300 йил бирга бўлишга тайёрмиз. Бундай фикрни Қирғизистоннинг Вазирлар Маҳкамаси раиси Ақилбек Жапаров Россия Бош вазири ...

Олмаота вилоятида сув остида қолиш хавфи туфайли аҳоли эвакуация қилинди

Олмаота вилоятининг Талгар туманидаги Туздибастау қишлоғи сув остида қолиш таҳдиди туфайли 28 февраль куни мингга яқин аҳоли эвакуация қилинди, дея хабар берди Олмаота ...

Тожикистонда амалдор ярим миллион доллар пора олаётганида ушланди

Тожикистон Иқтисодий тараққиёт вазирлигининг минтақалар ривожланиши ва инвестицияларни программалаштириш Бош бошқармаси бошлиғининг ўринбосари Асқар Нурализода катта миқдорда ...