Бошқа мавзуларУкраина президенти Владимир Зеленский Россия президенти Владимир Путинни музокара ўтказишга чақириб, мурожаат қилди.
“Биз ўзимизни ҳимоя қилишни истаймиз, лекин улар бизни синдиришга ҳаракат қилмоқда. Биз Россияга ҳужум қилганимиз йўқ ва ҳужум қилиш ниятимиз ҳам йўқ. Биз НАТОга аъзо бўлдикми? Йўқ. Бизда ядровий қурол борми? Йўқ”.
У Путинга видео орқали жонли равишда мурожаат қилиб, музокарага келишини қўшимча қилган.
“Мен нима дейишим керак? Кимга нима беришим керак. Биздан нима истайсан? Бизнинг юртимиздан чиқиб кет. Агар кетишни истамасанг, мен билан музокаралар столига ўтир, мен бўшман. Аммо Макрон, Шольц билан ўтказган 30 метр узунликдаги столда эмас, яқинроқ ўтирайлик. Мен сенинг қўшнингман, тишлаб олмайман.
Мен билан ўтир, гаплаш, нимадан қўрқяпсан? Биз ҳеч кимга таҳдид қилмаймиз. Биз террорчилар эмасмиз”, деди Зеленский.
Эслатиб ўтамиз, Россия президенти Владимир Путин ҳам аввал Украина президенти билан музокаралар ўтказишга тайёрлигини, бироқ АҚШнинг воситачиликдан чиқишини таъкидлаган эди.
