Норвегия Россия билан таълим соҳасидаги ҳамкорликни тўхтатди. Бу ҳақда Норвегия вазирлар маҳкамаси маълум қилди.
Ҳукумат, шунингдек, Россиянинг «Эрасмус+» ва «Горизонт Европа» таълим ва тадқиқот дастурларида иштирок этишини кўриб чиқишини маълум қилди.
Норвегия таълим вазири Ола Бортен Мое санкциялар “фуқаролик жамиятига эмас, балки Россия расмийларига қарши қаратилганини” маълум қилди.
Унинг қайд этишича, ҳозирда Вазирлар Маҳкамаси украиналик ва россиялик талабаларга ёрдам бериш устида ишламоқда.
Аввалроқ Массачусетс технология институти (MIT) Сколков фан ва технология институти (Skoltech) билан ҳамкорликни тўхтатган эди. Америка институти бу қадам Украинадаги вазият туфайли қилинганини қайд этади.