Толибон вазири Ҳаққоний илк бор юзини кўрсатди

“Толибон” ҳаракатининг ички ишлар вазири ва “дунёда энг кучли тартибда қидирилаётган террорчи” сифатида таърифланган Сирожуддин Ҳаққоний илк бор юзини оммага кўрсатди. У ўзининг шов-шувли фаолияти билан машҳур бўлган “Ҳаққоний” тармоғини бошқаради. АҚШ унинг бошига 10 миллион доллар тиккан.

Ҳаққоний 5-март куни Кобулда ўқиган афғон полицияси ходимларига диплом топшириш маросимида Афғонистон дунё учун ҳеч қандай хавф туғдирмаслигини айтди. У мисол тариқасида юзини кўрсатаётганини маълум қилди.

Сирожуддин Ҳаққоний бир неча бор худкуш-террорчиларни қўллаб, уларнинг қариндошларига пул ва ер ваъда қилган. У аввал ўзини юзини камера ёки суратга олишга ҳеч қачон рухсат бермаган. Вазир бўлгандан кейин айрим суратларида унинг юзи ёпиқ ҳолда монтажланган бўлса, бошқаларида Ҳаққонийнинг ортидан суратга олинган эди.

АҚШнинг Федерал Қидирув Бюроси (ФҚБ) Ҳаққонийнинг террорчилик фаолияти учун мукофот ваъда қилганда, унинг юзи ноаниқ ва қўлда чизилган суратини эълон қилиб келган.

Толибон Афғонистоннинг катта қисмини босиб олгандан кейин 2021-йилнинг 15-августида Кобулни эгаллаб олди. Аввалги ҳукумат пойтахтни жангсиз тарк этди. Президент Ашраф Ғани мамлакатдан қочиб чиқиб кетганидан буён ҳокимият Толибон қўлида.

Ундан кейин мамлакатни очарчилик қамраб олди. БМТ 39 млн халқи бор Афғонистонда 23 миллионга яқин аҳоли очликдан азият чекаётганини айтмоқда. Тўйиб овқатланмаслик оқибатида тинч аҳоли ва кўпинча болалар ўлими ҳақида хабарлар мавжуд. Хабарларга кўра, аҳоли ўз фарзандларини озиқ-овқат учун сотишмоқда.

Бўлишинг:

Муҳаррир танлови

Ўзбекистон маориф тизимида порахўрлик юзасидан 83 та жиноий иш қўзғатилган

Ўзбекистонда 2018 йил бошидан бугунга қадар маориф тизимида коррупция, тамагирлик ва мансабни суиистеъмол қилишга доир 83та жиноий иш қўзғатилган, деб хабар беради Бош ...

Хитойда биринчи марта чўлда темир йўл қурилди

Хитойда биринчи марта чўлда темир йўл қурилди. Узунлиги 825 километрга чўзилган йўл яна бир йирик лойиҳанинг бир қисмидир. Такла-Макон чўлининг четидан ўтади. У Шинжон-Уйғур ...

Ўзбекистонда шифокорни қасддан алдаб чақирган фуқаро 669 000 сўмгача жарима тўлайди

Шифокорни чақириш шошилинч тиббий ёрдам кўрсатиш учун зарур бўлганда амалга оширилади. Ушбу хизматдан туну кун фойдаланиш мумкин.  Шифокорни шошилинч равишда чақириш учун ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400