Бошқа мавзуларБугун Россиянинг Украинага бостириб кирганига ўн уч кун бўлди. Пойтахт Киев ва шимолдаги Чернигов шаҳри ҳамон Украина қўлида.
Украина томони Россия армиясига қарши ҳужумларини давом эттираётганини, бироқ унинг тезлиги сезиларли даражада секинлашганини айтди.
Украина Қуролли кучлари Бош штаби 8-март куни маҳаллий вақт билан соат 06:00да Украина қўшинлари жанубий, шарқий ва шимолий секторларни ҳимоя қилишда давом этаётганини маълум қилди.
Унда айтилишича, мамлакат ҳаво ҳужумидан мудофаа тизими ракеталар ва ҳаво ҳужумларини муваффақиятли қайтарган.
“Босқинчилар ўзларининг ахлоқларини унутганлар, талон-тарож қилиш ҳоллари тез-тез учрамоқда. Улар ҳарбий можаролар бўйича халқаро гуманитар қонунларни ҳам бузмоқда”, – деди Украина томони.
Украина ҳарбийларининг айтишича, Россия айни дамда психологик уруш ва босқинчи кучлар томонидан босиб олинган ҳудудларда маҳаллий аҳолига таъсир ўтказиш учун “тарғибот ишлари” олиб бормоқда.
