Россиянинг айрим ҳудудларида бензин нархи пасайишни бошлади. Бу ёқилғининг улгуржи нархининг тушиши билан боғлиқ. Бу ҳақда маҳаллий ОАВ хабар берди.
“Февраль ойи охиридан буён Санкт-Петербург товар биржасида АИ-92 маркали бензин нархи 24,5 фоизга пасайиб, бир тоннаси учун 36 880 рублни, АИ-95 бензини 22 фоизга, бир тонна учун 18 минг рублни ташкил қилди”, — дейилади хабарда.
Оммавий ахборот воситалари нархларнинг пасайиши, ҳусусан биржадаги савдогарлар орқали бензин сотиб оладиган мустақил тармоқларда сезилётганини таъкидлашди.
“Жумладан, 1-мартдан 5-мартгача Нижний Новгород, Сиктивкар, Салехард, Иркутск вилоятлари ва Приморск ўлкасида ёқилғи нархи арзонлашди”, — дейилади хабарда.
Бироқ, бу арзонлашлар Москвага таъсир қилмайди, пойтахтда аввалги нархда қолмоқда.