Маҳаллий аҳолининг Озодлик радиосининг Беларус хизматига айтишича, жангларда ҳалок бўлган россиялик аскарларнинг жасадлари дастлаб Беларус ўликхоналарига олиб келинган, улар самолёт ёки поездда Россияга ташилмоқда.
“Ўлганлар ўта кўп. Мозирь бекатидаги йўловчилар поездга шунчалик кўп жасадлар ортилганини кўриб ҳайратда қолишди”, деди Гомель вилоятининг Мозирь шаҳри яшовчиси.
Бошқа гувоҳларнинг айтишича, Гомель ва Нароволедаги ўликхоналар ҳам аскарлар жасадлари билан тўла.
Беларуслик шифокорлар ҳалок бўлган ёки ярадор бўлган россиялик аскарлар ҳақида маълумот тарқатилса, ишдан бўшатишлари ҳақида огоҳлантирилмоқда.
Ҳозирча Россия расмийлари Украинада ҳалок бўлган рус аскарлари сони бўйича фақат битта ҳисобот тақдим этган, бу эса қурбонлар сони 500 га яқинлиги билдирилган.