“Сизларга ёлғон гапиришяпти!” Эфир пайтида муҳаррир афиша кўтариб чиқди

14-март куни Россиядаги “Биринчи канал”нинг эфирида «Время» ахборот дастури кўрсатилаётган вақтда  студияга “Урушга йўл йўқ!” деган ёзувли плакат кўтарган қиз кириб келди.

У Биринчи канал муҳаррири Марина Овсянниковадир. Плакатда шундай ёзилган эди: “Урушни тўхтатинг. Улар бу ерда ёлғон гапиришмоқда, ташвиқотларга ишонманглар”.

Ўшанда эфирда Россияга қарши санкциялар солинаётгани ҳақида хабар берилаётган эди. Бу воқеадан кейин ҳам эфир аввалгидек давом этган.

Россия матбуотига кўра, Овсянникова полиция бўлимига олиб кетилган. У маъмурий жавобгарликка тортилиши мумкин.

Эслатиб ўтамиз, аввалроқ Марина Овсянникова видеомурожаат билан Россиянинг қилмишлари жиноят эканлигини, Россиянинг ўзи эса тажовузкор мамалакат эканини айтган эди.