Ўш халқаро аэропортида 2 килограммга яқин тилла тақинчоқларни ноқонуний олиб ўтаётган Ўзбекистон фуқаролари қўлга олинди. Бу ҳақда Ўш вилояти ички ишлар бошқармаси хабар бермоқда.
Маълумотларга кўра, қўлга олинган тўрт киши яқин қариндошлар бўлган. Улар 19-март куни Ўшдан Бишкекга учаётган вақтда қўлга олинган. Милиция маълумотларига кўра, ўзбекистонликлар хорижга чиқиб кетишни режалаштирган. Тинтув чоғида заргарлик буюмлари, тилла узук ва билагузуклар топилган. Милиция тергов ҳаракатлари олиб борилаётганини айтди.
Таҳлилчиларнинг айтишича, Қирғизистонда олтин қуймаларини хорижга олиб ўтувчи ноқонуний контрабанда каналлари борлиги ҳақида тасдиқланмаган маълумотлар бор.