Россия қўшинлари Украинада катта талафот кўрганидан сўнг Владимир Путин иттифоқчиларидан ёрдам сўрай бошлади, деб хабар берди TCH телеканали.
Украина президенти девони раҳбари маслаҳатчиси Михаил Подоляк Twitter саҳифасида Россия ҳар томондан уруш учун захира тайёрлаётгани ва Тинч океанидан денгизчилари билан Тоғли Қорабоғдаги тинчликпарвар кучларни олиб келмоқчи эканини айтди.
Шунингдек, у Россия Коллектив Хавфсизлик Шартномаси Ташкилотига аъзо давлатлар раҳбарларига Украинадаги урушни давом эттиришда ёрдам бериш учун қўшин ажратишни сўраб бир неча бор мурожаат қилганини айтди.
Эслатиб ўтамиз, КХШТга аъзо давлатлар қаторида Россиядан ташқари Беларус, Арманистон, Қозоғистон, Қирғизистон ва Тожикистон ҳам бор.