Россиялик таниқли сиёсий таҳлилчи Александр Сокуров Қозоғистон билан Россия ўртасида уруш бўлиши мумкинлиги ҳақида гапирди.
Бу ҳақда режиссёр Сокуров YouTube’даги «ещёнепознер» каналига берган интервьюсида айтиб ўтди.
Суҳбатда журналистнинг “Сиз 2007-йилда Қозоғистон билан зиддият бўлишини айтган эдингиз. Ҳали ҳам бу ҳақда ўйлаяпсизми? ” – деган саволига режиссер: “Ҳа, албатта. Негаки, миллий масалалар ҳалигача ҳал этилмаган. Мен очиқ айтишни истамайдиган бир нарса бор. Буни айтсам, мен хато қилишим мумкин. У ерда бизга қийин бўлади. Агар Украинадаги вазият бошқача бўлса, Қозоғистонда катта кучлар тўқнашиши мумкин. Шунда мамлакатимиз учун жуда қийин бўлади”, — деди Сокуров.
Аввалроқ режиссёр Александр Сокуров Россия фуқаролик жамияти ва инсон ҳуқуқларини ривожлантириш кенгаши аъзолари билан онлайн учрашувда Россиядек қашшоқ давлатга урушнинг бюджети қимматга тушишини айтган эди.