Бошқа мавзуларАфғонистонда Толибон ҳукуматининг янги кучли қарорлари доирасида давлат хизматидаги эркаклар соқол қўйишлари ва камтарона кийинишлари шарт. Қоидаларга риоя қилмаганлар ишдан бўшатилади.
Reuters ахборот агентлиги ўз манбаларига таяниб маълум қилишича, жамоат одоб-ахлоқи учун масъул бўлган «Яхшиликка чақирувчи ва ёмонликдан қайтариш вазирлигининг» вакиллари ҳафта бошидан буён ҳукумат бинолари олдида давлат хизматчиларининг итоатсизлигини текшираётганини айтган. Ходимлардан соқолларини қирмаслик, узун, кенг кўйлак ва шим кийиш талаб қилинмоқда.
Вазирлик мана шу талабларга риоя қилмаганларнинг ишдан бўшатилишини айтиб, ходимлар ўз вақтида намоз ўқимагани учун назоратга олинганини маълум қилди.
