Ўзбекистон ва Туркия 29-март куни кенгайтирилган ҳарбий шартномани имзолади, деб хабар берди Туркия Мудофаа вазирлиги.
Ҳужжат Туркия президенти Ражаб Тоййиб Эрдўғоннинг Ўзбекистонга ташрифи доирасида имзоланди. Ҳужжатни Туркия миллий мудофаа вазири Ҳулуси Акар ва Ўзбекистон мудофаа вазири Баҳодир Қурбонов имзолади.
Иккала томон ҳам ушбу ҳужжатнинг мазмунини ошкор қилмади. Шу билан бирга, Эрдўғон Тошкентда ўтказган қўшма матбуот анжуманида Туркия ва Ўзбекистон мудофаа саноати соҳасида шартномалар имзолаганини ва уларда “катта салоҳият” борлигини айтди.
Шу билан бирга, Ўзбекистон ва Туркия икки томонлама муносабатларни янги босқичга – ҳар томонлама стратегик шериклик даражасига кўтаришга қарор қилди.