Россия Толибоннинг илк дипломатини аккредитациядан ўтказди

Россия Афғонистонда Толибон томонидан тузилган биринчи ҳукумат дипломатини аккредитация қилди. Бу ҳақда Россия ташқи ишлар вазири Сергей Лавров 31-март куни Туньси шаҳрида (Хитой) Афғонистонга қўшни давлатлар бош дипломатлари йиғилишида маълум қилди. Унинг айтишича, Толибон дипломати февраль ойида Москвага келган.

“Биз халқаро ҳамжамият Афғонистоннинг янги ҳукумати билан фаол ҳамкорлик қилиши керак, деб ҳисоблаймиз”, — деди Лавров.

Унинг қўшимча қилишича, халқаро ҳамжамият Толибон ҳукуматини тан олиши учун янги ҳукумат таркибига Афғонистондаги турли сиёсий гуруҳлар вакиллари киритилиши керак.

Толибон ҳаракати ўтган йилнинг август ойида Афғонистонда ҳокимиятни қўлга киритган эди. Ҳаракат бир қатор давлатлар, жумладан, Россия ва бошқа давлатларда террорчи ташкилот сифатида тан олинган. Октябрь ойида Россия президенти Владимир Путин Москва Толибонни террорчилар рўйхатидан чиқариш устида иш олиб бораётганини айтган эди.

17-март куни Бирлашган Миллатлар Ташкилоти Хавфсизлик Кенгаши Афғонистон билан расмий алоқалар ўрнатишга розилик берган эди. Бироқ қатор давлатлар Толибон ҳукуматини Афғонистондаги қонуний ҳокимият сифатида тан олмаган. Ғарб давлатлари Толибон Афғонистонда аёллар ҳуқуқларини чеклаётганидан хавотир билдирган.

Бўлишинг:

Муҳаррир танлови

Барча транпорт воситалари чироғини ёқмай юрса бўладими?

Ҳукумат қарорига кўра, куннинг ёруғ вақтида қуйидаги ҳолларда яқинни ёритувчи чироқлар ёқилиши керак: транспорт воситалари ташкилий жамланма сафида ҳаракатланаётганда; ...

Ақш конгрессига хитойга коронавирус сабабли санкциялар қўллаш ҳақидаги қонун лойиҳаси киритилди

Республикачи сенатор Линдси Грэм АҚШ конгрессига Хитойга нисбатан коронавирус билан боғлиқ санциялар киритиш имконияти кўзда тутилган қонун лойиҳасини киритди. Фото: Yuri ...

Қозоғистоннинг янги бош вазири алихан смаилов ҳақида

Қозоғистон президенти Алихан Смаилов номзодини бош вазирликка таклиф қилди ва парламент 11-январдаги мажлисда унинг номзодини тасдиқлади. Жами 89 нафар депутат рўйхатга ...