Тан олинмаган давлатлар раҳбарлари Россия таркибига киришга қарор қилишди

Жанубий Осетия президенти Анатолий Бибилов халққа мурожаатида Россия билан бирлашиш республиканинг стратегик мақсади эканини айтди, деб хабар бермоқда «Спутник Осетия» нашри.

Бибиловга кўра, республикада Россияга қўшилиш учун референдум ўтказилиши керак. Барча қонуний чоралар дарҳол кўрилади.

Бибиловнинг айтишича, Жанубий Осетия Россияга қўшилгач, Шимолий Осетия билан бирлашиш ниятида.

Кейинроқ Жанубий Осетия парламенти спикери Алан Тадтаев яқин орада Цхинвалида Россияга қўшилиш бўйича референдум ўтказилишини айтди. Президент матбуот котиби Дина Гассиеванинг айтишича, референдум 10-апрелдаги президентлик сайловларидан кейин бўлиб ўтади.

Кремль Жанубий Осетияда референдум ўтказиш ғоясига изоҳ бериб, уни “жамоатчилик фикри сўрови” деб атади. Бироқ Москва ҳозирча бу борада ҳеч қандай чора кўрмаган.

Ўз навбатида, Грузия Ташқи ишлар вазирлиги Жанубий Осетиянинг Россия таркибига қўшилиши бўйича референдум қабул қилинмаслигини айтди.

“Албатта, Грузия ҳудуди босиб олинган тақдирда референдум ўтказиш ҳақида гапириш мумкин эмас. Бу ишғол нафақат сиёсий, балки ҳуқуқий аҳамиятга ҳам эга”, – деди Грузия ташқи ишлар вазири Давид Залкалалиани.

1922-1990 йилларда Жанубий Осетия Грузия ССР таркибидаги автоном вилоят эди. Ҳозирда республика мустақиллигини фақат Россия, Венесуела, Науру, Никарагуа ва Сурия тан олган.

Бўлишинг:

Муҳаррир танлови

46 нафар ўзбекистонлик самарада заҳарланиб шифохонага тушди

16 ва 17 июлда Россиянинг Самара области, Сизран тумани Кошелевка қишлоғида 46 нафар ўзбекистонлик заҳарланиш натижасида шифохонага тушган.  "Интерфакс" хабарига кўра, 60 ...

Москва украинага ўз одамини олиб келишни истайдими?

Россия ташқи ишлар вазирлиги Москва Украинада россияпараст ҳукумат ўрнатиш режаси устида ишлаяпти деган айбловларни рад этди. Аввалроқ Британия бундай маълумотларга эга ...

Газимизни русларга бериб, яна улар олдида қарздормиз. халқимизга газни қайтаринг!

Давлат бошқаруви ислоҳотлари соҳасида таниқли эксперт, Сингапурнинг «Smartgov Сonsulting» консалтинг бюросининг ҳудудий ижрочи директори Азиза Умарова ўзининг телеграм ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400