Бошқа мавзуларТожикистон президенти Имомали Раҳмон муборак Рамазон ойи бошланиши муносабати билан ватандошларига мурожаат қилар экан, бугунги кундаги глобал вазият барча мамлакатлар, жумладан, Тожикистондаги иқтисодий ва ижтимоий вазиятга жиддий таъсир кўрсатаётганини айтди. Унинг айтишича, фуқаролар икки йилга етадиган озиқ-овқатга эга бўлиши керак. Бу ҳақда мамлакат оммавий ахборот воситалари хабар берди.
Хабарда айтилишича, Имомали Раҳмон бу йил инсоният учун ҳар томонлама ва биринчи навбатда озиқ-овқат хавфсизлигини таъминлашда энг оғир йил бўлишини айтди.
Бундай вазиятда биз ҳамжиҳат бўлишимиз, оғир дамларда бир-биримизни қўллаб-қувватлашимиз, ваҳима тушмаслик, оқил ва эҳтиёткор бўлишимиз керак”, — деди Раҳмон.
Шунингдек, ҳозирги сиёсий, ҳарбий, иқтисодий ва ижтимоий инқироз шароитида тинимсиз меҳнат қилиш муҳимлигини таъкидлади.
