Покистоннинг янги бош вазири Шаҳбоз Шариф бўлди. Унинг номзоди якшанба куни мухолифат партиялари томонидан илгари сурилган эди.
Парламентдаги овоз беришда Шаҳбоз Шарифни 342 депутатдан 174 нафари қўллаб-қувватлади. Натижада у Покистон тарихидаги 23-бош вазирга айланди.
Шаҳбоз Шариф Покистон мусулмонлар лигаси партиясининг етакчиси. Ҳозир у 70 ёшда. У Покистоннинг уч карра бош вазири бўлган Навоз Шарифнинг укасидир.
Якшанба куни Покистон парламенти лавозимидан четлатилган Бош вазир Имрон Хонга ишончсизлик билдириш лойиҳасини қабул қилди.
Имрон Хон тарафдорлари 11-апрель куни пойтахт Исломободда норозилик намойишларини ўтказди.
Имрон Хон ўзига бўлган ишончсизликни сиёсий фитна деб баҳолаб, бунда Қўшма Штатларнинг қўли борлигини айтди. Мутахассисларнинг айтишича, Имрон Хон яқинда Хитой ва Россия билан стратегик ҳамкорлик қилишни режалаштириб келмоқда.