Молдова Авлиё Георгий лентасини, Z ва V ҳарфларини уруш контекстида ишлатишни тақиқлади

Молдова парламенти “Авлиё Георгий” орденининг лентасини ҳамда Россия аскарлари Украинадаги урушда қўлланаётган Z ва Vҳарфларидан фойдаланишни тақиқловчи қонун лойиҳасини қабул қилди. Ҳужжатда “ҳарбий тажовуз шароитида қўлланилган атрибут ва рамзларни” ясаш, сотиш ва омма олдида фойдаланиш, шунингдек, “бундай ҳаракатларни тарғиб қилиш ва улуғлаш” учун жарима солиш ёки жамоатчилик ишларига жалб қилишни кўриб чиққан. Бу атрибутларга қора-тўқ сариқ лента, Z ва V эмблемалари, нишонлар ва шиорлар киради.

Қонун лойиҳаси ҳукмронликдаги “Ҳаракат ва бирдамлик” партияси томонидан маъқулланди. Шунингдек мухолифатдаги коммунистлар  норозилик сифатида зални тарк этишган.

Молдова аввалроқ Украина суверенитетини қўллаб-қувватлашини ва Россиянинг ҳаракатларини қоралаган эди. Айни пайтда Кишинёв Москвага нисбатан санкциялар киритмади.

“Авлиё Георгий” орденининг лентасини Россия Улуғ Ватан урушидаги ғалабанинг рамзи сифатида 2000-йилларнинг ўрталаридан бошлаб фойдаланиб келмоқда. Аста-секин бу Кремлни қўллаб-қувватлаш белгисига айланди. Лента 2014 йилдан бошлаб Донбассдаги сепаратистлар томонидан фаол фойдаланилмоқда. Шунингдек  Z ваV ҳарфлари Украинага бостириб кирган рус техникасига чизилди. Кремлпараст тарғиботчилар уларни “махсус операция” рамзи деб аташади.

Ҳозирда Z ва V ҳарфларидан уруш контекстида фойдаланиш Украина парламенти ва Германиянинг бир қанча ҳудудларида тақиқланган.

 

Бўлишинг:

Муҳаррир танлови

Марказий осиёда қашшоқлик даражаси қисқармоқда

Марказий Осиёда қашшоқлик даражаси қисқаришда давом этмоқда, бироқ унинг суръатлари секинлашмоқда, дея Жаҳон банки матбуот хизматига таяниб «Газета.uz» хабар қилди. Янги ...

Хитой ҳарбий мудофаа харажатларини оширди

Хитой ҳукумати 2022-йилда миллий мудофаа харажатларини 7,1 фоизга ошириб, 1,451 триллион юанга (229 миллиард доллар) етказмоқчи. “Хитойда миллий мудофаа харажатлари 7,1 ...

Рустам иноятовга алоҳида халқаро мукофот берилди

Жорий йилнинг 1 декабрь куни Манила шаҳрида Осиё теннис федерациясининг йиллик конгресси бўлиб ўтди, деб хабар бермоқда Ўзбекистон Теннис федерацияси матбуот хизмати. ...