Бошқа мавзуларРоссия Мудофаа вазирлиги Қора денгиз флотининг “Москва” ҳарбий кемаси чўкиб кетганини тасдиқлади. Унда айтилишича, крейсер портга кетаётганида ёнғиндан жиддий шикастланган ва чўкиб кетган.
Аввалроқ, ҳарбий кема экипажи ёнғиндан қутқариб олингани айтилган. Россия Мудофаа вазирлиги крейсерда ёнғин чиққани ва унинг сабаблари ўрганилаётганини маълум қилди. Қурбонлар ҳақида ҳозирча маълумот берилмади.
Украина “Москва” кемасига ракета зарбаси берганини айтди. Одесса вилояти ҳарбий бошқармаси раҳбари Максим Марченко крейсер Нептун ракеталари билан ҳужумга учраганини айтди.
Турли ҳисоб-китобларга кўра, “Москва” кемасининг экипажи 510 дан 758 кишигача бўлиши мумкин.
Крейсер Россиянинг Украинага бостириб кириши ортидан Одесса вилоятидаги Змейний оролида ҳарбий амалиётда иштирок этган. Унда айтилишича, бир неча украиналик аскар ҳалок бўлган, баъзилари эса гаровга олинган.
