Туркманистонда гўзаллик салонлари ёпилаётгани хабар қилинмоқда.
Косметик хизматлар ва турли хил гўзаллик процедуралари тақиқланган. Ҳозирда фақат сартарошлар ишламоқда. Бу ҳақда Озодлик радиосининг туркман хизмати Ашхободдаги манбасига таяниб хабар берди.
Демак, пойтахтдаги энг йирик салонлар ёпилган. Расмийларнинг айтишича, тақиқ мамлакатнинг янги президенти Сердар Бердимуҳамедовнинг консерватив қарашлари билан боғлиқ.
Туркманистон расмийлари гўзалликка оид янги талабларга ҳали изоҳ бермаган.
Туркманистонни узоқ йиллар бошқариб келган Гурбангули Бердимуҳамедовнинг ўғли Сердар Бердимуҳамедов 19-март куни президент сифатида қасамёд қилди.
40 ёшли Сердар Марказий Осиёдаги бу мамлакатнинг мустақиллик тарихида учинчи президенти бўлди.