Толибон вакили: «ИШИД» Ўзбекистонга ракета зарбаларини беришга ҳаракат қилган

Душанба куни ижтимоий тармоқларда Ўзбекистон чегараси ўққа тутилгани ҳақида хабарлар тарқалган эди. Бироқ Ўзбекистон Мудофаа вазирлиги ва президент матбуот хизмати бу хабарларни рад этди.

Кейинчалик Афғонистон ҳукумати вакили, “Толибон” ҳаракати аъзоси Энамуллоҳ Самангоний Ўзбекистонга ракета отишга уриниш бўлганини маълум қилди. Аммо ракеталар Ўзбекистон чегарасига етиб бормаган.

Энамуллоҳ Самангонийнинг айтишича, ракеталар ИШИД экстремистик гуруҳи томонидан учирилган. Унинг айтишича, ракеталар Афғонистондаги ташландиқ бинолар вайроналари устига тушган.

Шунингдек, ракеталар қаердан отилгани аниқлангани, 3 киши қўлга олингани маълум қилинди.