Ўзбекистон фуқароларининг Россияда рўйхатдан ўтмасдан қолиш муддати 7 кундан 15 кунгача давом этади. Россияликлар ҳам Ўзбекистонда худди шундай режим билан юришлари мумкин.
Маҳаллий матбуотнинг ёзишича, Давлат Думаси Ўзбекистон ҳукумати билан Россияда юриш тартибини енгиллаштириш бўйича келишувни ратификация қилган.
Ҳужжатда Ўзбекистон фуқаролари Россияга кирган пайтдан бошлаб Россия ҳудудида 15 кун, россияликлар эса олти ойгача Ўзбекистонда рўйхатдан ўтмасдан қолиши мумкинлиги айтилган. Қонун ратификация қилинганидан кейин Федерация Кенгашига, кейин эса Президентга юборилади.
Икки давлат ўртасидаги келишув 2021-йилнинг 21-майида Москвада ва 2021-йилнинг 17-июнида Тошкентда имзоланган.
Худди шу режим Беларус, Қозоғистон, Тожикистон, Арманистон ва Қирғизистон фуқароларига ҳам тегишли.