Жаҳон банки Украинанинг зарарини 60 миллиард долларга баҳолади

Россиянинг ҳарбий амалиётлари натижасида Украинага етказилган зарар 60 миллиард долларга етганини Жаҳон банки президенти Девид Малпасс онлайн анжуманда маълум қилди.

Унинг сўзларига кўра, бу дастлабки ҳисоб-китоб бўлиб, гап Украинадаги бинолар ва жамоат жойларининг вайрон бўлиши натижасида етказилган зарар ҳақида бормоқда. Унинг қўшимча қилишича, операция тўхтамагани учун йўқотишлар янада ортиб боради.

Худди шу конференцияда видеоалоқа орқали иштирок этган Украина президенти Владимир Зеленский: “Дастлабки ҳисоб-китобларга кўра, Украина вайроналар натижасида 550 миллиард доллар йўқотди”, деди.

Унга кўра, мамлакат иқтисодий йўқотишларни қоплаш учун ойига 7 миллиард доллар топиши керак.

Зеленский санкциялар туфайли музлатилган Россия активлари Украинани қайта тиклаш ва бошқа давлатларга компенсация тўлаш учун ишлатилиши мумкин деб ҳисоблайди.

Украина бош вазири Денис Шмигалнинг айтишича, йил охиригача мамлакат ялпи ички маҳсулоти 50 фоизга тушиши мумкин, ҳудди мана шундай ҳисобни молия вазири Сергей Марченко ҳам берган.

Март ойида АҚШ Сенати Украинага тахминан 13,6 миллиард долларлик гуманитар, ҳарбий ва иқтисодий ёрдам кўрсатувчи ҳукумат харажатлари пакетини маъқуллаган эди.

Буюк Британия Украинага 500 миллион доллар насия беришни ваъда қилди. Европа Иттифоқининг гуманитар ёрдами 143 миллион еврога етди.

Бўлишинг:

Муҳаррир танлови

Қирғизистондаги тӯртта пансионат ӯзбекистонга қайтарилади

Жӯқӯрғу Кенгешнинг Иқтисодий ва фискал сиёсат бӯйича қӯмитаси бугун Иссиқкӯл соҳилида жойлашган тӯртта пансионатни Ӯзбекистонга қайтариш бӯйича битимни тасдиқлади. ...

«жатва» фош  этилганми  ё  кашф  этилганми?

Жиноят ишлари бўйича Тошкент  шаҳар судида  159-модда билан айбланаётган  Бобомурод Абдуллаев, Ҳаёт Насриддинов, Равшан Салаев  ва Шавкат Оллоёровлар  устидан навбатдаги суд ...

Маърифатпарвар ислохотчининг қулаши

Шавкат Мирзиёев ҳокимиятга келган кейинги икки йил ичидаги барча ноқонуний, нолегитим воқеа ва ҳодисалар асосан якка кўринишда содир бўлди. Бу – янги ҳокимият ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400