«Қўқон – 1912»: йиллик мавсумдаги илк мағлубият…

 

футболистлар Футбол бўйича Ўзбекистон Биринчилиги «Шарқ» минтақаси пешқадамларидан бири ҳисобланган Қўқоннинг «Қўқон-1912» футбол клуби 2014 йилги мавсум расмий учрашувларида илк бор мағлуб бўлди. Бу ҳақда ЎзПФЛ матбуот хизмати хабар тарқатмоқда.

 Ўзбекистон Биринчилиги биринчи босқич 9-тур учрашувлари доирасида Тошкентда «Оқтепа»  меҳмони   бўлган «Қўқон-1912»  1:2  ҳисобида имкониятни бой берган.  Ўйин 15 май, пайшанба куни ўтказилган. 325 нафар томошабин томонидан кузатиб борилган ўйинда ҳисоб қўқонлик футболчилар томонидан очилган, бироқ ўйиннинг сўнгги дақиқасида «Оқтепа» футболчилари ғалаба тўпини уришга муваффақ бўлишган.

Учрашувнинг асосий вақти якунланишига 10 дақиқа қолганида «Қўқон-1912»нинг асосий марказий ҳимоячиларидан бири ҳисобланган Хуршид Узоқбоев иккинчи огоҳлантиришдан сўнг майдондан четлатилган.

Ушбу мағлубиятдан сўнг очколар сони 18талигича қолган «Қўқон-1912» Ўзбекистон Биринчилиги «Шарқ» минтақасида учинчи ўринда бормоқда. Очколари сонини 19тага етказган «Оқтепа» ҳамда Уйчининг «Хотира-79» жамоалари баробар пешқадам бўлиб туришибди.

«Қўқон-1912» йиллик мавсум бошланганидан бери ҳали бирорта ўйинда мағлубиятга учрамаган эди.  Ўзбекистон Биринчилиги доирасидаги дастлабки саккиз учрашувнинг бештасида ғалаба қозониб, учтасида дуранг ўйнаган.

Эслатиб ўтамиз, Жамоа ўтган ҳафта «Пахтакор»га қарши ўз майдонида кечган Ўзбекистон Кубоги нимчорак финал дастлабки ўйинида ҳам 0:0 ҳисобида дуранг ўйнаган эди.

Мулкдор хабар маркази

Бўлишинг:

Муҳаррир танлови

Олтовлонни совуқда сувга туширган зоир мирзаев яна бир эгардан тушди

Ўзбекистон йилқичилик ва от спорти федерациясига Абдуллаев Феруз Талъатович раис этиб сайланди. Бу ҳақда Миллий олимпия қўмитаси матбуот хизмати хабар қилади. Маълумот учун, ...

Футбол ўйингоҳи кираверишида юзага келган тирбандлик оқибатида етти киши ҳалок бўлди

Камерунда бўлиб ўтаётган Африка миллатлари футбол матчига кираверишдаги тирбандлик оқибатида етти киши ҳалок бўлди. Камерун пойтахти Яунде шаҳридаги Олембе стадионида Камерун ...

Ўзбекистонда болалар учун қачон футбол майдончалари қурилади?

Айтишингиз мумкин, футбол майдончалари ҳозир деярли ҳар бир маҳаллада биттадан бор деб. Лекин уларда таътилга чиққан кичик синф ўқувчилари маза қилиб тўп теполадими? Йўқ. ...