Бошқа мавзуларУкраина Қуролли кучлари Бош штаби Харьков шимолидаги Питомник қишлоғини қайтариб олганини маълум қилди.
Британиянинг Мудофаа вазирлиги эълон қилган баёнотида шундай дейилади: “Россия қўшинларининг Харьковдан олиб чиқилиши уларнинг Украинанинг йирик шаҳарларини эгаллашга қодир эмаслигини тактик жиҳатдан тан олишдир. Россия у ердаги аҳолидан бундай қаршиликни кутмаган эди”.
Британия вазирлигининг қўшимча қилишича, Украина армияси Россия кучларининг Қора денгиздаги Змейний оролидаги ҳаво ҳужумидан мудофаа тизимлари ва таъминот кемаларини нишонга олганини, бу билан Москванинг йирик қирғоқ чизиғи устидан назоратни кенгайтиришига йўл қўймасликка ҳаракат қилинган.
Украина расмийларига кўра, 11-майда Запороже вилояти ўққа тутилган. Россия қўшинлари томонидан отилган ракета инфратузилмани вайрон қилгани айтилмоқда. Бироқ қурбонлар ҳақида маълумот берилмаган. Шаҳарда Мариуполдан қочган кўплаб тинч аҳоли қўним топмоқда.
Украина аскарлари Одессани нишонга олган қанотли ракета ҳам уриб туширилганини маълум қилмоқда.
Айни пайтда Азовсталдаги Украина аскарлари Россия кучлари ҳужумларини давом эттираётганини айтишмоқда.
