Кремлнинг ваҳшийлигини қўллаб-қувватлаш жиноят содир этиш билан баробар

Латвия Россиянинг 102 нафар фуқаросининг мамлакатга киришини чексиз муддатга тақиқлади. Бу ҳақда ташқи ишлар вазири Эдгарс Ринкевич Twitter даги саҳифасида ёзди.

Латвия ТИВ сайтида тақиқларга дуч келганлар асосан Россия президентининг Украинага бостириб кириши ҳақидаги қарорини қўллаб-қувватлаган маданият арбоблари эканлиги ёзилмоқда.

“Латвия учун ёқимсиз бўлган шахслар рўйхатига кирганлар Россиянинг Украинадаги тажовузкорлигини яққол оқламоқда”, — дейилади баёнотда. “Кремлнинг ваҳшийлигини қўллаб-қувватлаш жиноят содир этиш билан баробар, шунинг учун бундай одамларни Латвияга киритиш тақиқланади”.

Латвиянинг қора рўйхатига актёрлар Василий Ливанов, Николай Бурляев, Александр Панкратов-Черний, Борис Галкин, Александр Пашутин, Игорь Петренко ҳамда режиссёрлар Юрий Кара ва Николай Лебедев қирган.

 Латвия ҳукумати 9-майда россиялик артистлар Филипп Киркоров, Евгений Петросян, Владимир Винокур ва Бутунроссия бадиий гимнастика федерацияси раҳбари Ирина Винер-Усмонованинг мамлакатга киришини тақиқлади. Март ойида ҳудди шундай қарор Тимати номи билан машҳур Тимур Юнусов, қўшиқчи Юлия Чичерина ҳамда актёрлар Михаил Боярский, Сергей Безруков, Игорь Угольников ва Мария Шукшиналарга нисбатан қабул қилинган эди.

Латвия парламенти 12 майда Россия билан Совет ёдгорликларини муҳофаза қилиш бўйича келишувни бир томонлама бекор қилиш тўғрисидаги қонун лойиҳасини икки ўқишда маъқуллаган эди. Сеймнинг (парламент) ушбу қарори Совет армиясининг Ригадаги мажмуасини бузиб юборишга йўл очди.

Бўлишинг:

Муҳаррир танлови

Евгений пригожин украинадаги урушни қўллаб-қувватлаш учун кремль ботларини яратмоқда

Путиннинг “ошпази” дейилган Евгений Пригожин бошчилигидаги бўлинма Украинада бўлаётган уруш ҳақидаги хабарлар, видеолар ва постларга изоҳ бериш учун одамларни ёлламоқда. ...

Москвада ўзбекистонлик талаба мажбуран реанимацияга ётқизилган

Россия Халқлар дўстлиги университети қошидаги Тиббиёт институтининг ўзбекистонлик  талабаси Ўлмасхон Баҳронов 27 август куни Москвадаги 67-сонли касалхонада мажбуран ...

Россияда владимир путинга “қабр тоши” қўйган яна бир активист ҳибсга олинди

12 март куни Набережние Челни шаҳар суди Владимир Путинга «қабр тоши» қўйилган акцияда иштирок этган фаоллардан яна бир — 32 ёшли Николай Переседовни ҳибсга олди. Бу ҳақда ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400