Путиннинг оғир касалга чалингани айтилмоқда

Украина ҳарбий разведкаси раҳбари генерал Кирилл Буданов Россия президенти Владимир Путиннинг оғир касал эканлигини маълум қилди. Унинг сўзларига кўра, Путин сиёсатидан норози бўлган Россиянинг юқори мартабали мулозимлари уни ҳокимиятдан четлаштиришга ҳозирлик кўрмоқда. Буданов Британиянинг Sky News телеканалига берган интервьюсида шундай деди. Разведка раҳбари Путинга саратон касаллиги ташхиси қўйилганини айтиб, манбаларни ошкор қилмаган.

Буданов Россия ва Украина ўртасидаги фаол жанговар ҳаракатлар йил охиригача давом этишини, августда бурилиш нуқтаси бўлишини башорат қилди. Унга кўра, Украина урушдан кейин назоратни йўқотган барча ҳудудларни, жумладан Донбасс ва Қримни ҳам ўз назоратига олади.

Шанба куни The Times газетаси Владимир Путиннинг саломатлиги ҳақида мақола эълон қилди. У Американинг New Lines журналининг қўлида бўлган россиялик олигарх ва ғарблик инвестор ўртасидаги суҳбатнинг аудиоёзувини манба қилиб ёзган. Март ойида бўлиб ўтган бу суҳбатда россиялик тадбиркор Путин оқ қон касалигига чалинганини айтган. Унинг фикрича, Путин Украинага ҳужум қилишга буйруқ бериб, “ақлдан озган”. Бу ҳаракат Россия иқтисодиётига катта зарар етказди. Олигархнинг исми ошкор этилмаган.

Аввалроқ Россияни тарк этган миллиардер Олег Тинков журналист Юрий Дудга Россиянинг кўплаб бой одамлари Украинадаги урушга қарши эканини айтган.

 Кремл Путиннинг соғлиғи ҳақида ҳеч қандай изоҳ бермаган ва президентнинг соғлиғи яхши эканини айтиб келмоқда. Путин камдан-кам ҳолларда омма олдига чиқмоқда, бироқ бу ҳафта у Москвада 9-майда бўлиб ўтган парад ва бир қатор учрашувларда қатнашди.

Владимир Путин 69 ёшда. Унинг ташаббуси билан қабул қилинган Конституцияга киритилган ўзгартиришларга кўра, у қайта сайланса 2036 йилгача ҳокимиятда қолиши мумкин.

Бўлишинг:

Муҳаррир танлови

Украинада ҳалок бўлган рус аскарларнинг рўйхати сир сақланади

Россия суди Украинада ҳалок бўлган россиялик ҳарбийлар рўйхатини давлат сири деб эълон қилди. Светлогорск шаҳрининг судининг қарори билан Псковнинг 60.RU газетаси сайтида чоп ...

Чехия ва польша украина армиясига қўшимча қуроллар юборади

Чехия ва Польша Россиянинг Украина шарқидаги ҳужумини тўхтатишга уринаётган Украина армиясига қўшимча қуроллар юборади. Бу ҳақда Чехия мудофаа вазири Яна Чернохова 29-май ...

Россия фуқаролари бир ойда банклардан 1,2 триллион рубль ечиб олишди  

2022-йил февраль ойида Россия фуқаролари банк ҳисоб рақамларидан 1,2 триллион рубль ечиб олишди.  Бу ҳақда Россия Марказий банкининг махсус ҳисоботида айтилади. Бу миқдор ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400