Тожикистон ҳукумати Тоғли Бадахшонда аксилтеррор операцияси бошланганини эълон қилди

Тожикистон хавфсизлик кучлари Тоғли Бадахшон мухтор вилоятида аксилтеррор операцияси ўтказаётганини маълум қилди. Бу ҳақда Тожикистон ички ишлар вазирлиги матбуот хизмати хабар берди.

Хабарда айтилишича, жиноят оламининг вакиллари мамлакатдаги ижтимоий-сиёсий вазиятни беқарорлаштиришга уриниб, Душанбе-Қулма автомобил йўлини ноқонуний равишда тўсиб қўйган. Шунинг учун халқнинг хавфсизлиги ва жамоат тартибини таъминлаш мақсадида ҳуқуқ-тартибот идоралари аксилтеррор операциясини бошлаган.

 Шунингдек, Тоғли Бадахшон автоном вилоятидаги тартибсизликларни ташкилотчилари халқаро террорчи ташкилотлардан қурол олиб, ёлланма аскарларни ёллашда ҳам айбланмоқда.

Тожикистон расмийлари бу ҳаракатни конституцияга зид деб атаб, тартибсизликлар учун жавобгарлар қаттиқ жазоланишини қўшимча қилган.

 Эслатиб ўтамиз, 16-май куни Тожикистоннинг Тоғли Бадахшон мухтор вилоятининг Хоруғ шаҳрида фуқаролар ҳокимиятнинг хатти-ҳаракатларига норозилик билдирган эди. Хавфсизлик кучлари билан тўқнашувлар бўлиб, пойтахт Душанбега олиб борадиган асосий йўлни тўсиб қўйган. Расмий маълумотларга кўра, бир киши ҳалок бўлган, уч киши яраланган.

Бўлишинг:

Муҳаррир танлови

Дунё бўйлаб 40 миллион мигрант замонавий қулликдан азият чекмоқда

Халқаро Миграция Ташкилотининг 26-июль куни чоп этилган янги ҳисоботида миграция ва замонавий қуллик ўртасидаги алоқа ҳақида маълумот берилди ва қандай турдаги муҳожирлар ...

Ўзбекистон республикаси  президенти ш.м.мирзиёевга  ўзбекистон республикаси  бош пракуратурасига

Ўзбекистон Республикаси Президенти Ш.М.Мирзиёевга Ўзбекистон Республикаси Бош пракуратурасига Нусхаси: Жиззах вилояти Зомин тумани Пракуратурасига Ижтимоий тармоқлар ва ...

«чув тушган деҳқон энди қалампир чайнайдими?» андижонлик фермерларда ҳам аччиқ қалампир муаммоси

Водий томон кишилари сарлавҳадаги иборани роса керак пайтда ишлатишади. «Пули куйган қалампир чайнабди». Бу гапнинг келиб чиқиши бир қизиқарли ҳикоя билан боғлиқ. ...