Бошқа мавзуларЖаҳондаги озиқ-овқат инқирозига Ғарбнинг масъул эканини ифода этган Россия, «Муаммонинг манбаи биз эмасмиз» деди.
Ғарб 24-февралдан бери Украинага қарши давом этаётган ҳужумлари учун Россияга қарши санкциялар қўллашда давом этмоқда.
Россия президенти саройи бўлган Кремлнинг матбуот котиби Дмитрий Песков мамлакатига қарши санкциялар жаҳондаги озиқ-овқат инқирозига олиб келганини айтди: «Россия доимо ғалланинг ишончли экспортчиси бўлиб келган»,-деди у.
Песков шунингдек, БМТнинг дунё очарчиликка олиб келиши мумкин бўлган озиқ-овқат инқирози билан юзма-юз келаётгани ҳақидаги баҳосига ҳам қўшилганини билдириб: «Муаммонинг манбаи биз эмасмиз. Дунёдаги очлик муаммосининг манбаи бизга санкциялар қўйганлар ва санкцияларнинг ўзидир”, деди.
Украинага қурол -яроғ Ғарб томонидан юборилганини айтган Дмитрий Песков Россия Украинанинг темир йўл линиялари орқали Польшага буғдой экспорт қилишига тўсқинлик қилмаганини қўшимча қилди.
БМТнинг Бош котиби Антониу Гутерриш чоршанба куни қилган баёнотида Россия, Туркия, Украина, АҚШ ва БМТ билан Украинадаги дон экспортини қайта тиклаш учун қаттиқ ҳаракат қилаётганини маълум қилган.
Дунё буғдойининг учдан бир қисми Россия ва Украина ҳиссасига тўғри келади.
