Украина Белоруссия билан чегарасида аскарлар сони ортгани ва ҳарбий фаоллик кучайгани ҳақида огоҳлантирди.
Мамлакатнинг қуролли кучлари Бош штаби Беларус армияси Украина билан чегарадош Гомел вилоятида разведка ишларини кучайтирганини маълум қилди.
«Беларус ҳудудидан ракета ва ҳаво ҳужумлари бўлишининг хавфи сақланиб қолмоқда», — дейилади расмий хабарда.
Беларус расмийлари Украина билан чегарадаги сўнгги вазиятга ҳозирча изоҳ бермади.
Беларус Москва 24-февралда Украинага қарши бошлаган урушда расман иштирок этмаган. Бироқ Минск Россия кучларига Украинага ҳужум қилиш учун ўз ҳудудидан фойдаланишга рухсат берган. Беларус ҳам Ғарбнинг бир қанча санкцияларига дучор бўлган.