Мексикада муҳожирларни олиб кетаётган автобус ҳалокатга учради, натижада олти муҳожир ҳалок бўлди, 15 нафари жароҳатланди. Мексика матбуотига кўра, автобус Сан-Луис-Потоси шаҳрига қарашли Мекскитик де Кармона йўлида бошқарувни йўқотиб, баландликдан қулаган.
Ҳодиса оқибатида олти нафар муҳожир, жумладан, тўрт нафар аёл ҳалок бўлган, 15 нафари жароҳатланган. Автобусдагилар асли Гондурас, Сальвадор ва Кубадан экани айтилмоқда. Ярадорлар маҳаллий шифохоналарга етказилган. Ҳалокат юзасидан тергов бошланган.