Бошқа мавзуларГерманиянинг канцлери Олаф Шольцнинг айтишича, сўнгги уч ой Россия президенти Украинадаги урушда ғалаба қозона олмаслигинини кўрсатди.
Швейцариянинг Давос шаҳрида бўлиб ўтган Жаҳон Иқтисодий Форумининг якуний кунида сўзга чиққан Шольц Россия армиясининг Украинани бутунлай босиб олиши даргумон эканини айтди.
Украинанинг бирорта йирик шаҳрини қўлга кирита олмаган Москва ўз кучларини мамлакат шарқига жамлаб, ҳужумларини кучайтирди.
“Путин урушда ғалаба қозонмаслиги керак. Мен у ғалаба қозонмаслигига ишонаман”, – деди Шольц..
Аввалроқ Шольцнинг ҳукумати Россияга қарши туришида ва Украинани қўллаб-қувватлашдаги қатъиятсизлиги учун танқид қилинган.
Бироқ Германия канцлери Давосдаги чиқишида Германия тарихий қадам ташлаб, Украинага ҳарбий ёрдам юборишга қарор қилганини айтди.
Шунингдек Шольц унинг ҳукумати имкон қадар Россия газига қарамлигини камайтиришга ҳаракат қилаётганини қўшимча қилди.
