Россияда депутатлар Путинни Украинадаги урушни тугатишга чақирди

Россиянинг Приморск ўлкасининг депутатлари президент Владимир Путинни Украинадаги жанговар ҳаракатларни тўхтатиб, аскарларни мамлакатдан олиб чиқиб кетишга чақирди.

Ушбу баёнотни Коммунистик партия депутатлари номидан 27-май куни ҳудуднинг Қонунчилик ассамблеяси вакили Леонид Васюкевич ўқиб эшиттирди.

Баёнотда рус аскарлари Украинада оғир йўқотишларга дучор бўлгани туфайли ҳарбий муваффақиятга эришиб бўлмаслиги такидланади.

“Мамлакатимиз ҳарбий амалиётни тўхтатмаса, мамлакатда етимлар сони ортиб боришини тушуниб етмоқдамиз. Ҳарбий амалиётлар пайтида ёшлар нобуд бўлиб, ногирон бўлиб қолишмоқда. Улар мамлакат учун жуда фойдали бўларди”, – деб ёзилган баёнотга Васюкович ва унинг партиясининг аъзолари Геннадий Шульга, Наталья Кочуга ва Александр Сустов имзо қўйган.

Йиғилишда иштирок этган вилоят губернатори Олег Кожемяко депутатлар баёнотини танқид қилди.

«Сизнинг хатти-ҳаракатларингиз Россия армиясини ва нацизмга қарши курашаётган ҳимоячиларимизни обрўсизлантиради. Сизлар хоинсизлар», – деди Кожемяко.

Коммунист депутатларнинг етакчиси Анатолий Долгачев ҳамкасбларининг бу «қилиқларини оқибати оғир бўлишини» айтди. Кейинчалик баъзи дупутатлар баёнотни имзолаганини рад этишди.

Россия 24-феврал куни ҳеч қандай сабабсиз Украинага бостириб кирди. Украина расмийларининг айтишича, Россия урушда 20 мингдан ортиқ аскарини йўқотган. Москва оғир талофатларни тан олди, лекин 25-март куни 1351 аскарини йўқотганини билдирган.

Бўлишинг:

Муҳаррир танлови

Ақш украинага яна тўртта himars ракета тизимини беради

Пентагон Украинага қўшимча тўртта HIMARS юқори қувватли артиллерия ракета тизимини беришни режалаштирмоқда. Аввалроқ Вашингтон Киевга ҳарбий ёрдам пакети доирасида тўртта ...

Ватанига қайтган ёзувчи нурилло отахонов тошкент аэропортида қўлга олинди

Тошкент аэропортида Туркиядаги муҳожиротдан ватанига қайтган 63 яшар ëзувчи Нурулло Отахонов (Нуруллоҳ Муҳаммад Рауфхон) учоқдан тушганидан сўнг ҳуқуқ-тартибот ходимлари ...

Ўзбекистонда бизнес-омбудсман тергов ҳибсхоналарига монеликсиз кириш ҳуқуқига эга бўлди

Ўзбекистонда бизнес-омбудсман тергов ҳибсхоналарига монеликсиз киришга ҳамда тергов қилинаётганлар ва маҳкумларнинг мурожаатларини олишга ҳақли бўлди. (more…)


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400