Чехия ва Польша Украина армиясига қўшимча қуроллар юборади

Чехия ва Польша Россиянинг Украина шарқидаги ҳужумини тўхтатишга уринаётган Украина армиясига қўшимча қуроллар юборади. Бу ҳақда Чехия мудофаа вазири Яна Чернохова 29-май кунги телемурожаатида маълум қилди. Унинг айтишича, яқин вақт ичида Киевга 26 миллион доллардан 30 миллион долларгача бўлган қурол-яроғ юборилади.

«Ёрдамнинг тинимсиз давом этиши жуда муҳим», деган Яна Чернохов уруш бошланган февраль ойидан бери Чехия Украинага 150 миллион доллардан ортиқ ҳарбий ёрдам жўнатганини қўшимча қилди.

 Чехия оммавий ахборот воситаларининг хабар беришича, ёрдам «Т-72» танклари, «БМП-1» ҳарбий машинаси, гаубицалар ва Совет Иттифоқида ишлаб чиқарилган вертолётлар бўлиши мумкин.

Маълумки, Польша Украинага 155 мм калибрдаги 18 дона зирҳланган “Краб” артиллериясини етказиб бермоқда. Бу ҳақда якшанба куни Польша радиоси Мудофаа вазирлигидаги манбаларга таяниб хабар берди.

Россия босқинидан сўнг Украина армиясига бир қатор АҚШ ва Британия бошчилигидаги ғарб давлатлари ёрдам кўрсатмоқда. 29-май куни Германия ҳукумати Украинага 1 млрд. евро ёрдам бераётгани ойдинлашди.

Россия президенти Владимир Путин Украинанинг Донбасс минтақасидаги сепаратист гуруҳларни ҳимоя қилишини айтганидан кейин 24 февралда рус қўшинлари Украинага бостириб кирган. Қарийб уч ойлик жангларда ҳар икки томондан минглаб одамлар ҳалок бўлди. Олти миллиондан ортиқ украиналиклар мамлакатни тарк этган.

Бўлишинг:

Муҳаррир танлови

“хитой россияга ҳарбий ёрдам жўнатади”: хитой маълумотга изоҳ берди

Хитой ташқи ишлар вазирлиги матбуот котиби Чжао Лицзяннинг айтишича, Россия Украинадаги махсус операция муносабати билан ҳарбий ёрдам сўрагани ҳақидаги хабарлар ёлғон. ...

Николаевда рус ҳарбийларининг ҳужуми оқибатида камида уч киши ҳалок бўлди

29-июнь куни Украина жанубидаги Николаев шаҳрида Россия кучларининг ҳаво ҳужуми оқибатида камида уч киши ҳалок бўлди. Шаҳар мэри Александр Сенкевичнинг сўзларига кўра, ...

Москва украинанинг луганск вилояти устидан назорат ўрнатганини эълон қилди

3-июль куни Россия мудофаа вазири Сергей Шойгу президент Владимир Путинга Украина шарқидаги Луганск вилоятини тўлиқ «озод қилгани»ни айтди. Унинг қўшимча қилишича, рус ...