Северодонецкда Украина аскарлари яна чекинишни бошлади

Донбасснинг Северодонецк шаҳрида Украина аскарлари яна рус аскарлари томонидан ҳужумга учради.

Бу ҳақда 6-июнь куни Луганск вилояти губернатори Сергей Гайдай маълум қилди. Шанба куни Украина аскарлари шаҳарнинг деярли ярмини ўз қарамоғига қайтариб олгани маълум бўлган.

“Ҳимоячиларимиз бир муддат ҳужум қилиб, шаҳарнинг деярли ярмини озод қилишган эди, бироқ биз учун вазият яна ёмонлашди”, деди Гайдай.

У рус армиясининг палапартиш артиллерия ҳужумини икки бараварга ошириши мумкинлиги ҳақида огоҳлантирди. Россия ҳарбийлари шунингдек Донецк вилоятининг Славянск ва Святогорск шаҳарларига ҳам ҳужумларини кучайтирганини Украина Қуролли кучлари Бош штаби маълум қилди.

6-июннинг тонгида Николаев шаҳрида портлашлар содир бўлганини шаҳар мэри Александр Сенкевич Телеграм каналига ёзди.

 Мамлакат шарқида жанглар давом этар экан, Украина президенти Владимир Зеленский Запорожега сафар қилиб, аскарлар билан учрашди ва уларга хизматлари учун миннатдорчилик билдирди.

Шунингдек 5-июннинг оқшомида россияпараст айирмачиларнинг юқори мартабали қўмондони жангларда ҳалок бўлганини украин аскарлари маълум қилишди. Бу маълумотни россиялик журналист Александр Сладков тасдиқлаб, генерал-майор Роман Кутузов қачон ва қандай шароитда ўлдирилганига аниқлик киритмади.

Шуниндек Украина армиясининг 5-июнь кунги баёнотида айтилишича, Кутузов Луганск вилоятининг Попасная шаҳри яқинидаги тўқнашувда йўқ қилинган.

Москва Украинага қарши уруш эълон қилган 24-февралдан бери бир неча россиялик генерал ўлдирилган бўлса-да, Кремл тўрт нафарини ҳалок бўлганини фақат расман тасдиқлаган.

Бўлишинг:

Муҳаррир танлови

Сергей шойгу: украинадаги ҳарбий операция мақсадига эришмагунча давом этади

Россия армияси Украинадаги махсус ҳарбий операциясини  қўйилган мақсадларга эришилгунга қадар давом эттиради. Бу ҳақда Россия мудофаа вазири Сергей Шойгу баёнот берди. ...

Ялтада 10 нафар ўзбекистонлик овқатдан заҳарланиб касалхонага ётқизилди

Ялтада туғилган кунни нишонлаш вақтида заҳарланган Ўзбекистоннинг 10 нафар фуқароси касалхонага ётқизилди. Бу ҳақда шаҳар маъмурияти раҳбари Алексей Челпанов РИА ...

Россия  украинанин юзга яқин фуқаросини асирликда сақланмоқда

Россия қўшинлари жанглар бошланганидан бери 100 га яқин Украина фуқаросини гаровга олди. Бу ҳақда 24-март куни Украина бош вазири ўринбосари Ирина Верешук маълум қилди. Унинг ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400