Толибон ҳаракати (Россия Федерациясида террорчи деб тан олинган ва тақиқланган) 15-18 июнь кунлари бўлиб ўтадиган ХХV Санкт-Петербург халқаро иқтисодий форумига (SPIEF) ўз вакилини юборади. Бу ҳақда дипломатик ҳамжамиятдаги манбага таяниб, “ТАСС” хабар берди.
Толибон номидан Москвадаги Афғонистоннинг муваққат ишлар вакили Жамол Носир Гархвал иштирок этади.
Апрел ойи бошида Россия дипломатик хизмати Афғонистон элчихонасига Гархвални Афғонистоннинг Москвадаги муваққат ишлар вакили сифатида тан олиш тўғрисида нота юборган эди. Апрелнинг охирида Гархвалнинг иш бошлагани маълум бўлди.
Аввалроқ Росбалт SPIEFнинг бир қатор иштирокчилари ташкилотчилардан иш жойи ҳақидаги ахборотларни яширишни сўрагани ҳақида маълум қилинган.