Украинанинг Россия томонидан босиб олинган Херсон ва Запорожье вилоятлари расмийлари 7-июнь куни Россия Бош штаб бошлиғининг биринчи ўринбосари Сергей Кириенко кетганидан кейин Россия таркибига қўшилишга ҳозирлик кўраётганини мълум қилди.
Кириенко ҳеч бўлмаганда Херсон вилоятининг Россияга қўшилиши Қримнинг мисолида юргизилишини айтгани хабар қилинмоқда, бироқ бу ҳақда расмий маълумот йўқ.
Россия шу йилнинг 24-февралида Украинага бостириб кирган. Россия ҳарбийлари ҳозирда Херсон ва Запорожье вилоятларининг катта қисмини назорат қилмоқда, Запорожье шаҳри эса Украина назорати остида қолмоқда.
Шиддатли жанглар Украинанинг Луганск вилояти Северодонецк ва Донецк вилоятининг Словянск шаҳарларида кетмоқда. Рус қўшинлари артиллерия ва бомбалар билан иккала шаҳарни деярли вайрон қилишди.