Эрон ва Венесуэла ўртасида 20 йиллик кенг қамровли ҳамкорлик шартномаси имзоланди.
Пойтахт Теҳронга ташриф буюрган Венесуэла президенти Николас Мадуро Садобод саройида президент Иброҳим Райиси билан учрашди, деб хабар берди Эрон давлат телевидениеси. Учрашувда икки давлат ўртасида нефть, нефть-кимё, иқтисодиёт, туризм, маданият ва сиёсат соҳаларида 20 йиллик кенг кўламли стратегик ҳамкорлик тўғрисидаги битим имзоланди.
Венесуэла президенти Мадуро кеча Туркияга қилган сафаридан сўнг мамалакат президентининг расмий таклифига биноан Эронга келди.