Бошқа мавзулар33 ёшли Арфия Эри уйғур халқи тарихида илк бор Япония парламентининг юқори палатаси Сенатга ўз номзодини қўймоқда. Етти тилда сўзлаша оладиган, Бирлашган Миллатлар Ташкилотининг собиқ ходими Япония, Хитой ва АҚШда таълим олган.
Япониянинг ҳукмрон Либерал-демократик партияси рўйхатида бўлган номзод, «одамларни менинг сиёсий қарашларимдан кўра, менинг келиб чиқишим кўпроқ қизиқтиради»-дейди.
Арфия Эрининг кампанияси «Япония фуқаросиман» деган шарафга урғу берилиб, япониялик турмуш қурган аёлларга қаратилган. Уйғур номзодининг айтишича, бу мамлакатда ўзи каби «исм-шарифи японларникига ўхшамаган» сиёсатчилар сони ортиб бораётганини таъкидлайди.
Японияда ҳукуматнинг танланма органларида японлар устунлик қилади.
10-июлга белгиланган япон парламентининг юқори палатасидаги 248 ўрин учун 500 дан ортиқ номзод курашмоқда.
Уйғурлар асосан Марказий ва Шарқий Осиёдаги турк тилли халқ ҳисобланади.
2017-йилдан бери Шинжондаги уйғурлар, қозоқлар, қирғизлар ва бошқа мусулмонлар Хитой ҳукумати томонидан босим остида қолгани айтилиб келинмоқда. АҚШ Давлат департаментининг маълумотларига кўра, Шинжондаги лагерларда 2 миллионга яқин уйғур, қозоқ ва бошқа туб халқларнинг вакиллари сақланмоқда.
