Хитой ҳарбий самолётлари Тайван ҳудудига кирди

21-июнь куни Хитойнинг 29 та ҳарбий самолёти, жумладан бомбардимончи самолётлар Тайваннинг ҳаво ҳудудига кириб, оролнинг жанубий қисми ва Тинч океани устидан учиб ўтди. Тайваннинг ҳукумати ўз самолётларини осмонга кўтариб, уларга огоҳлантиришлар берди.

Расмий Тайбэй ҳаво ҳужумидан мудофаа кучларини шай ҳолатга келтирди. Бу майнинг охиридан бери энг кескин вазият бўлиб қолди. Хитой 23-январда 39 самолётини, 30-майда эса 30 самолётини оролнинг ҳудудида парвоз қилдириб, машғулотлар ўтказган.

Тайван сўнгги икки йил давомида унинг ҳаво ҳудудига Хитой самолётлари кириб, ҳарбий машғулотлар ўтказганидан шикоят қилиб келган. Улар бу ҳаракатни провокация сифатида баҳолаб, Пекин Тайбэйнинг реакциясини текшираётганини билан боғлашган.

АҚШ президенти Жо Байден 24-май куни Токиода бўлиб ўтган Осиё-Тинч океани саммитида Хитой Тайванга қўшин юборса, АҚШ аралашиши ҳақида огоҳлантирган. У ўз нутқида Тайванни ҳимоя қилиш зарурати Россиянинг Украинага бостириб киришидан кейин кучайганини қўшимча қилган.

1950-йилларда Хитой Коммунистик партиясидан айрилган гоминданчилар Тайван оролидан паноҳ топиб, уни ва унинг атрофидаги бир қанча оролларни алоҳида давлат деб эълон қилган. Улар ўзларини 1911-йилда ташкил этилган Хитой Республикасининг ворислари деб билишади. Тайван Тайбэй шаҳрини ўзининг пойтахти деб билади.

Ҳозирда Тайванни мустақил давлат сифатида атиги 14 давлат тан олади. Пекин оролни ўз ҳудудининг бир қисми деб ҳисоблаб, унга қарши сиёсат юргизиб келади.

Бўлишинг:

Муҳаррир танлови

Туркия-ўзбекистон: хотин-қизларга тегажоқлик шу даражадами?

Хабарларга кўра, Туркиянинг яна бир шаҳрида хотин-қизлар учун махсус автобус хизмати йўлга қўйилган. Яъни, Малатья шаҳридаги пушти рангли бу автобуслар фақат хотин-қиз ...

Испанияда ўрмон ёнмоқда

Испаниянинг Каталониянинг Росас шаҳридаги ўрмон ёнғини камида 392 гектар ўрмонни кулга айлантирди. Кеча кечқурун Росас қишлоғида кучли шамол туфайли ўрмон ёнғини содир бўлди. ...

Россияликлар сайлов арафасида бирданига маошлар кўтарилганини айтишмоқда

Йил бошидан бери бюджет соҳаси ходимлари – шифокорлар, олий таълим даргоҳи ўқитувчилари ва илмий ходимларнинг маошлари бир неча баробар ошди. Бу ҳақда РБК хабар тарқатди. ...