Бошқа мавзуларБангладешда денгиз сатҳига яқин ҳудудларда содир бўлган кучли сув тошқини оқибатида камида 42 киши ҳалок бўлди.
Соғлиқни сақлаш хизмати бош бошқармаси маълумотларига кўра, тошқинлардан шимоли-шарқдаги Силхет ҳудудида 21 киши, шимолий ва марказий Мименсинх ҳудудида 18 ва шимолий Рангпур ҳудудида 3 киши ҳалок бўлди.
Ушбу ҳудудларда сўнгги уч кун ичида сел туфайли 3000 дан ортиқ инсон ифлос сувлар сабабли турли касалликларга чалинди.
Сув тошқинидан жабр кўрган ҳудудларда гуманитар инқироз юзага кела бошлаган.
Озиқ-овқат ва ичимлик суви тарқатишга армия, денгиз флоти ва ҳаво кучлари аъзолари қатнашган.
Биргина Силхет ҳудудида 56 минг гектар ерга зарар етказган сув тошқинларидан бошқа ҳудудларнинг қишлоқ хўжалиги ҳам зарар кўрди.
Сув тошқинлари автомобил ва темир йўлларига ҳам катта зарар етказди.
