Францияда буркини билан сувга тушиш яна тақиқланди

Франциянинг Олий маъмурий суди дам олиш масканларида муслима аёлларнинг сувга тушувчи кийими – буркини кийиб юришга рухсат бергани йўқ. Суд қарорига кўра, “Франциянинг дунёвий тамойили – давлатнинг динларга нисбатан бетарафлигини бузади”. Бу ҳақда Associated Press агентлиги маълум қилди.

Францияда буркини бўйича баҳслар беш-олти йилдан бери давом этмоқда. Мамлакатдаги соҳта исломпарастларнинг хуружлардан сўнг, ушбу кийим 2016-йилда бир қатор шаҳарларда муниципалитетлар даражасида тақиқланиб, уни кийганлар жаримага тортилган.

Ўша пайтдаги президент Николя Саркози ва Бош вазир Мануэль Вальс буркинига қарши бўлиб, уни Франциядаги дунёвий тамойилларга зид эканини айтган. Франция Давлат кенгаши буни буркинига киргизилган чекловни инсон ҳуқуқларининг бузилиши деб ҳисоблаган бўлса, 2017-йилда Марселнинг апелляция суди дам олиш масканларида буркини кийишни таъқиқлаган қарорни қонуний деб топган.

2022-йилнинг май ойида Гренобль шаҳрининг маъмурияти маҳаллий фаолларнинг талаби билан бассейнларда кийиниш қоидаларини енгиллаштириб, аёлларга буркини ва топлес (устсизлик) кийишга рухсат берди. Гренобл мэри ҳар бир аёл ҳоҳлаган кийимни кийишга, бассейнларда ва кўчаларда диний эътиқодини билдириш ҳуқуқига эга эканлигини айтган.

Гренобл шаҳрининг маъмуриятининг қарорига қарши Франция ҳукумати даъво аризаси билан судга мурожаат қилган. Олий маъмурий суд буркинига берилган рухсатни “ноқонуний” деган қонун чиқарди. Франция ички ишлар вазири суд қарорини “дунёвий тушунчанинг ғалабаси” деб атади.

Францияда жамоат жойларида ниқоб ва паранжи кийишга 2010-йилда тақиқ қўйилнган эди. Мамлакатда 5 миллиондан ортиқ мусулмон истиқомат қилади, бу Европа мамлакатларидаги энг юқори кўрсаткич бўлиб ҳисобланади.

Бўлишинг:

Муҳаррир танлови

Аёлларга маҳрамсиз ҳаж қилишга саудия арабистони рухсат бериши мумкин

Arab News хабарига кўра, келажакда аёллар ҳаж сафарига эркак маҳрамсиз боришлари мумкин бўлади.  Айни пайтда аёллар Саудия Арабистонига ибодат учун маҳрам (эркак васий)билан ...

Ўнлаб имом-хатиб вазифасидан бўшатилди

Тожикистонда ўнлаб жомеъ масжидларининг имом-хатиблари мамлакат Дин қўмитаси ҳамда Уламолар кенгаши вакиллари томонидан олинган имтиҳонлардан ўта олмагани учун вазифасидан ...

Олий суд 8 мамлакат фуқароларини ақшга кириш тақиқини маъқуллади

Душанба, 4 декабрь куни, АҚШ Олий суди президент Трампнинг иммиграцияни бутунлай тақиқлаш ва 8та мамлакат, шундан олтитаси мусулмон давлатлари, фуқароларини АҚШга киришини ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400