Украина Мудофаа вазири Алексей Резников АҚШ томонидан юборилган юқори самарали артиллерия ракета тизимлари (HIMARS) мамлакатига етиб келганлигини маълум қилди.
Алексей Резников бу ҳақда Twitter саҳифасига ёзди: «Украинага юқори самарали артиллерия ракета тизимлари етиб келди. Мен ҳамкасбим ва дўстим, АҚШнинг Мудофаа вазири Ллойд Остинга миннатдорчилик билдирмоқчиман. Бу йилги ёз рус аскарлари учун иссиқ бўлади, баъзилар учун эса охирги бўлади “, деди у.
АҚШ президенти Жо Байден 1-июнда Украинага 700 миллион долларлик янги ҳарбий ёрдам пакетини, жумладан илғор ракета тизимларини маъқуллаганини эълон қилди. Тўпламга юқори самарали артиллерия ракета тизимлари ҳам киради.
Ўрта масофага мўлжалланган юқори самарали артиллерия ракета тизими рус ҳарбийларини урушда сезиларли даражада секинлаштириши мумкин эканлиги айтилмоқда.