Бошқа мавзуларBloomberg агентлигининг ёзишича, 27-июнга ўтар кечаси Россия хорижий валютадаги қарзини тўлай олмади. Агентлик бу –1918 йилдан бери биринчи марта дефолт эканини қайд этмоқда. Москва дефолтга учраганини рад этмоқда.
Якшанба куни давлат облигациялари бўйича қарийб 100 миллион долларни тўлаш бўйича имтиёзли муддат тугади. Bloomberg бу – дефолт бўлиб ҳисобланишини, аммо ҳозирча фақат рамзий маънога эга эканини таъкидлайди. Хабарда айтилишича, мамлакат Марказий банкнинг валюта захираларидан фойдалана олмаяпти, йирик банклар эса глобал тизимдан узилган.
Россия молия вазири Антон Силуанов “дефолт” атамасидан фойдаланиш кулгили эканлигини айтди.
Москва қарзларини тўлаш учун пули борлигини айтиб келади. Ўтган ҳафтада Россия ҳукумати қарзларини рублда тўлашини маълум қилган.
Россия Молия вазирлиги 12 миллиард рубль евробондлар бўйича тўловларини Миллий депозитарийга ўтказганини маълум қилган.
