Бошқа мавзуларРоссия ҳужумидан кейин Украинани қайта тиклаш учун 750 миллиард доллар керак бўлади. Бу ҳақда 4-июлда Швейцариянинг Лугано шаҳрида бўлиб ўтган йирик халқаро саммитда маълум қилинди.
Украина бош вазири Денис Шмигаль вайрон бўлган шаҳарлар ва уларнинг инфратузилмасини тиклаш бўйича уч босқичли режани амалга ошириш учун маблағ сифатида биринчи навбатда россиялик олигархларнинг мусодара қилинган активлари ҳисобидан молиялаштирилиши кераклигини таъкидлади.
Украина ҳукуматининг раҳбари уларнинг умумий миқдорини 300-500 миллиард долларга баҳолади.
«Бу қонли уруш Россия ҳукумати томонидан бошланган. Улар барча вайронагарчиликлар учун жавобгардир ва улар жавобгарликка тортилиши керак», деди у.
Украина президенти Владимир Зеленский видеоалоқа орқали қилган мурожаатида қайта қуриш ишлари бутун демократик дунёнинг умумий вазифаси бўлиши кераклигини таъкидлади.
Саммитда бир қатор халқаро ташкилотлар ва давлатлардан мингга яқин киши иштирок этмоқда.
