Кремль Луганск вилоятини тўлиқ назорат остига олганини эълон қилганидан сўнг, Россия президенти Владимир Путин ўз қўшинларига Украина шарқидаги ҳужумларни давом эттиришни буюрди.
У Россия қўшинлари аввалдан белгиланган режани амалга оширишга мажбур эканлигини, Луганск вилоятини эгаллаб олгани сабабли ўз ҳаракатларини давом эттириши кераклигини 4-июль куни билдирди.
Украина армияси Луганск вилоятининг Лисичанск шаҳридаги позициясидан чекингани ҳақида 3-июлда мамлакат Қуролли кучлари Бош штаби расман маълум қилди.
Баёнотга кўра, бундай қарор «босқинчи аскарларнинг артиллерия, авиация, реактив тизимлар, ўқ-дорилар ва шахсий таркиб жиҳатидан ортиб бораётгани туфайли» қабул қилинган.
Лисичанск Украинанинг Луганск вилояти томонидан назорат қилинадиган охирги шаҳар эди.