Бошқа мавзуларФинляндия ва Швеция ташқи ишлар вазирлари 5-июлда ҳарбий альянснинг Брюсселдаги бош идорасида протоколни имзоладилар.
Энди бу ҳужжат НАТОга аъзо 30 давлат томонидан ратификация қилиниши керак.
«32 давлат билан биз янада кучлироқ бўламиз. Сўнгги ўн йил ичида хавфсизлик майдонидаги энг катта инқирозга дуч келган бир пайтда халқимиз янада хавфсизроқ бўлади», – деди Столтенберг.
Швеция ва Финляндиянинг тарихий қадами Россиянинг Украинага ҳужум қилган вақтда қўйилди. Альянснинг ҳар бир аъзоси ҳужжатни ратификация қилиши учун бир неча ой вақт кетиши мумкин.
Дастлаб НАТОнинг яна бир аъзоси Туркия бу икки давлатнинг иттифоққа қўшилишига қарши чиққан. Туркия президенти Ражаб Тоййиб Эрдўған Хельсинки ва Стокгольмни курд жангчиларига бошпана беришда айблаб, уларни Анқарага қайтаришни талаб қилган.
Бир қатор музокаралардан сўнг Эрдўған, агар маълум ваъдалар бажарилмаса, аъзоликка вето қўйиши мумкинлиги ҳақида огоҳлантирди. Қандай ваъдалар берилгани ошкора эълон қилинмади.
